شرح طريقة انشاء موقع

مبدئياً هتروح علي جودادى وهتشوف دومين مناسب ليك بإسم محترم وله معنى ..وركز علي إسم محترم دى.
وبعدين هتجيب سيرفر “إستضافة” vps كويس هتبدء بيه حتى والموقع لسة صغير .. كان مكلفنى 250 جنية فى الشهر .
هتبدء تحدد كلماتك إلى هتشتغل عليها وهتعملها مقالات .. نصيحة لو أنت متجوز شوف مراتك أو أخوك او أختك أو أى حد صاحبك ممكن يساعدك أو شوف حد يشتغل تحت أيدك يكتب معاك عشان يساعدك تحقق الهدف الى أنت ملتزم تعمله .. وصدقنى بتفرق جامد لما يكون أتنين بيكتبو غير لما يكون واحد بس.. بتخلق روح منافسة ومشاركة وبتسهل كتير عليك أنك تعمل حاجة كويسة بجد.
هتروح ع مخطط الكلمات الرئيسية لجوجل أدوردز https://goo.gl/FZ4W4d
وهتكتب الكلمة الرئيسية المستهدفة .. وبعدين هتجيب أفكار الكلمات الرئيسية بعد كدة هتضغط ع كلمة .. متوسط عمليات البحث الشهرية هيعملك ترتيبك من حيث الأقوي والأكثر بحثا .. أضغط عليها تانى عشان تجيب ترتيبها من حيث الأضعف . هتبدء تاخد كل كلمة وتبحث عنها فى جوجل وهتلاقى تحت عمليات بحث مقترحة من جوجل خد كل واحدة كوبى وشوف البحث عليها قد اية ..ولو لاقيت حاجات البحث عليها 200 : 750 عملية بحث .. هتعملها مقال وتشتغل عليها وهكذا.
وهتبدء تاخد الكلمات دى وتعمل عنها مقالات..
طيب أنت حالا ضعيف أزاى أختارالكلمات الى أعمل عليها مقالات ويبقى فى أمل اظهر عليها بشكل سريع وأجيب زوار عليها .
مثال صغير ..
“كيف اعرف برجي” 135 الف عملية بحث
“كيف اعرف برجي من اسمي فقط” 480 عملية بحث ..
يبقى أنت هتشتغل ع الكلمة الصغيرة وبإذن الله لما تتمكن منها وتبقى صفحة أولى وفى الـ 3 نتايج الأولى تلقائى هتلاقى نفسك ظهرت على الكلمة الكبيرة لكن فى نتيجة متأخرة .. هتحدث المقال وتضيف له محتوي محترم يليق بأنك تستحق الصعود ع الكلمة الكبيرة والى هى “كيف اعرف برجي”.
شرحت طريقة إعادة الصياغة كاملة ..وازاى تكتب مقال حصري https://goo.gl/mtcV8B
نقطة إضافية لم اتكلم عنها من قبل .. فى نهاية كل مقال هتحط رابط ويكيبيديا ووظيفته توضيح لجوجل إن هذا المقال يحتوي ع روابط مهمة وموثوقة وفيديو يوتيوب لو أمكن .
هتشترك فى الموقع dlvr.com عشان كل بوست ليك ينزل يروح ع الفيس وتويتر وجوجل بلس
>> https://goo.gl/DFCdLa
كل مقال هتعمل يكون الـURL إنجليزي مش عربى .
هتكتب فى اليوم 5 مقالات يومية .. كل مقال ميقلش عن 1000 كلمة بالاضافة لعمل التاجز بتاعت كل مقال من عمليات بحث متعلقة الموجودة فى أسفل نتائج جوجل ..
هتستمر بشكل ثابت لمدة 3 شهور بشكل متواصل.
لازم الـ3 شهور يخلصو يكون فى الموقع 450 مقال شرط أساسى كل مقال 1000 كلمة أو أكتر.
فى الفترة دى هتلاقى كل مقالاتك بتنزل مابين صفحة 3،4،5،6،7،8 ..وطبيعى جداً لأن الموقع لسة ضعيف.